Dagar myrkurs verða haldnir á Austurlandi dagana 1.-11. nóvember nk. Framlag Safnahússins til þessa viðburðar verður myndasýning sem ber yfirskriftina Þekkir þú myndina?Myndirnar á sýningunni (sem er í powerpoint-formi) eru frá ýmsum tímum en hluti þeirra sýnir óþekkt fólk og/eða staði. Gestum mun gefast færi á að koma á framfæri upplýsingum um myndirnar. Sýningin verður mánudagskvöldið 5. nóvember í Hlymsdölum (Miðvangi 6 á Egilsstöðum) og hefst hún kl. 20.30. Aðgangur er ókeypis og allir velkomnir.
Þá hafa starfsmenn Héraðsskjalasafns Austfirðinga heimsótt þrú sveitarféög og sýnt bæði ljós- og kvikmyndir. Myndirnar á sýningarnar voru sérvaldar og tengdar hverjum stað fyrir sig. Safnið fékk í þessum ferðum, eins og jafnan áður, mikilsverðar upplýsingar um myndir úr safni sínu. Er óhætt að segja að þessi sýningaferð sé (eins og samsvarandi ferð í fyrrahaust) afar vel heppnuð og á Menningarráð Austurlands þakkir skyldar fyrir stuðninginn.