Söguyfirlit um íslenska skjalavörslu

Út er komið í Svíþjóð hjá Ríkisskjalasafninu í Stokkhólmi ritið Det globala minnet. Nedslag i den internationella arkivhistorien. (Alheimsminnið. Gripið niður í alþjóðlegu skjalavörslusögunni), 422 blaðsíður að lengd. Ritið er fáanlegt hjá SVAR – Svensk arkivinformation, sjá hér.

Skjalasöfn eru mikilvægur þáttur í menningararfi hverrar þjóðar. Í þeim endurspeglast samfélagsástand, meðferð valds og lífsskilyrði fólks á löngum tíma. Þessi sýnisbók fjallar um sögu skjalavörslu nokkurra þjóða frá upphafi ritmáls til vorra tíma þegar rafræn gagnanotkun veldur vanda um víða veröld ef tryggja á varanlega skjalfestingu á atburðum samtíðarinnar. Í bókinni kemur skýrt fram að skjalasöfn eru hluti af valdi, bæði í þjóðfélögum sem teljast lýðræðisleg og alræðisleg. Starfsemi skjalasafna í öllum sínum fjölbreytileika er til umfjöllunar. Þar koma til mismunandi stjórnarform, lagalegir, lýðræðislegir og stjórnsýslustyðjandi þættir í starfsemi þeirra. Örlög skjalasafna í stríði og við hernám. Nútímalegt skjalahald er skipulagt með mismunandi hætti í hinum ýmsu löndum eins og skjalasöfnin sem menningar- og rannsóknarstofnanir.Einn kafli í ritinu er yfirlit um skjalavörslusögu Íslands eftir Hrafn Sveinbjarnarson héraðsskjalavörð Kópavogs. Slíkt yfirlit um Ísland hefur ekki verið til á erlendum málum til þessa.Að ritstjórn hafa staðið: Louise Lönnroth fyrrverandi landsskjalavörður í Gautaborg, Lars Jörwall landsskjalavörður í Lundi, Alain Droguet forstöðumaður Archives départementales du Var í Frakklandi, Gunilla Nordström 1. skjalavörður og sviðstjóri við Ríkisskjalasafnið í Stokkhólmi, Bengt Danielson 1. skjalavörður við Landsskjalasafnið í Lundi og Per Forsberg Landsskjalasafninu í Gautaborg.