 |
| Svanhildur Bogadóttir þegar hún var nýtekin við starfi Borgarskjalavarðar |
Svanhildur Bogadóttir hefur hinn 10. september 2012 starfað sem Borgarskjalavörður Reykjavíkur í 25 ár. Af héraðsskjalavörðum hefur aðeins Aðalbjörg Sigmarsdóttir á Akureyri hærri starfsaldur.
Svanhildur er úr Kópavogi, fædd árið 1962, lauk BA prófi í sagnfræði frá Háskóla íslands 1985. Að því loknu hélt hún utan til Bandaríkjanna til framhaldsnáms og lauk þar MA prófi 1987. Á námsárum sínum í Bandarikjunum starfaði hún í skjalasafni First Trinity Lutheran Church í Wall Street, einnig var hún næstráðandi við skjalasafn New York-deildar YMCA (KFUM). Borgarskjalavörður Reykjavíkur varð hún 10. september 1987 og hefur starfað ötullega að skjalavörslumálefnum Reykjavíkurborgar síðan og má sjá nokkuð af afrakstri þess mikla og góða starfs á vef Borgarskjalasafnsins.
Svanhildi er árnað heilla á þessum tímamótum og er þeirra hér minnst með nokkrum myndum frá ferli hennar.
 |
 |
| Tæknivæðing ársins 1989 á Borgarskjalasafni | Svanhildur við störf |
 |
 |
| Svanhildur og Ingibjörg Sólrún Gísladóttir borgarstjóri á sýningu Borgarskjalasafns „Mundu mig ég man þig“ árið 2000 þegar skjalasafnið var flutt að Tryggvagötu 15. |
Svanhildur í ræðustóli |
 |
 |
| Svanhildur við störf | Vefurinn www.euarchives.org opnaður þegar ritið Evidence kom út en því ritstýrði Svanhildur ásamt öðrum. |