Flutningar hafnir hjá Héraðsskjalasafni Kópavogs

Hrafn Sveinbjarnarson, Eknarin Thuriwan og Kristín Stella Lorange kasta mæðinni áður en raðað er á næsta bretti.	Gunnar Marel Hinriksson og Hrafn Sveinbjarnarson langt komnir með að fylla eitt brettið.
Hrafn Sveinbjarnarson ásamt brettum nr. 10-14.	Eftir að flutningum lauk blöstu við tómir skápar í Hamraborg 14a.

Fyrsta áfanga flutnings Héraðsskjalasafns Kópavogs í nýtt húsnæði lauk fimmtudaginn 25. ágúst sl., þegar fjargeymsla safnsins að Hamraborg 14a var tæmd á 28 vörubretti, samtals um 400 hillumetrar.

Í vetur mun safnið svo flytja aðalgeymslur og skrifstofur sínar af þriðju hæð Hamraborgar 1 þar sem það hefur verið með aðstöðu til bráðabirgða frá stofnun þess árið 2000 í húsnæði til frambúðar að Digranesvegi 7, þar sem áður var póstafgreiðsla. Auk þess verður ný fjargeymsla tekin í notkun.